Поттикнувањето на позитивно однесување кај учениците треба да биде основна цел за секој наставник во сите активности што ги презема. Со позитивно однесување кај учениците, како наставници ќе можете да воспоставите ред во вашите училници и на тој начин да се фокусирате на настава. Освен тоа, ги развивате и вештините што им требаат на учениците за одржување на добри односи и делотворно учење.
Примена на мерки за одржување на ред и дисциплина во училницата без употреба на заплашување, закани, понижување или физичка сила може да има големо позитивно влијание врз однесувањето на учениците и резултатите од учењето.
Еве некои едноставни совети што се надеваме дека ќе ви бидат полезни:
Наставниците и родителите често се жалат дека учениците немаат почит кон возрасните. Почитта се гледа во прифаќањето на правата и одговорностите на другите. Таа се одразува во зборовите, ставовите и дејствата при комуникација. Кога на учениците им се обраќаме со почит, покажуваме однесување што ги подобрува меѓучовечките односи, и ги подобруваме изгледите дека и тие ќе се определат за слично однесување со почит кога ќе треба да се разрешуваат меѓучовечки конфликти. За да добиеме почит, мора да покажеме почит, особено кон ученикот.
Ефективните наставници користат разновидни наставни методи, во зависност од ситуацијата. Кликнете на линкот за да научите повеќе за различните методи на настава и во какви ситуации се користат.
Поставување на соодветни очекувања е можност за развивање на односи на соработка и меѓусебна почит, како и заедничка согласност и прифаќање на 'стандарди за однесување'.
Во согласност со принципите за поттикнување на позитивно однесување, ефективните правила најдобро се поставуваат со позитивна формулација – "ВАКА ПОСТАПУВАЈ" наместо "НЕМОЈ ТАКА". Едноставен пример е "Внимавај да дојдеш на време" наместо "Внимавај да не задоцниш". Освен тоа, треба да има и заеднички прифатен и разбран кодекс на однесување, наместо список на прекршоци што ќе се казнуваат.
Правилата треба да се постават и да бидат прифатени заеднички со целото одделение. Ова ќе ви помогне да воспоставите заеднички јазик, и овозможува сите да ги разбираат потребите на другите.
Смирување на одделението и здобивање на внимание понекогаш може да биде тешко. Особено на почетокот на предавањето/лекцијата, кога од учениците се бара не само да ја сменат активноста, туку и да се прилагодат од една средина на учење или дружење кон друга. Воведување на рутини и знаење кои постапки би можеле да бидат успешни во различни околности може да им помогне на наставниците да ги смират учениците во состојба за учење.
Наставниците треба да најдат начини да воспостават ред без викање или приговарање. Ако има потреба наставникот да вика или прави врева за да добие внимание, можно е безредието да продолжи.
Еве некои совети што биле искористени од наставници – пробајте ги во вашата училница за да видите дали и за вас ќе бидат од полза:
За жал, нема секогаш сите деца да ги почитуваат правилата. Кога ќе има потреба да интервенирате, запомнете да бидете насочени кон наоѓање на решение и изразувајте се на просоцијален начин. Кликнете на линковите за да дознаете повеќе.
