Насилство – физичко и психолошко – помеѓу децата и врз децата се случува секојдневно во училиштата. Се случува помеѓу самите деца. Некои наставници и родители исто така посегнуваат по насилни методи – почесто вербални, но понекогаш и физички – за да ги дисциплинираат децата и да ги научат што е правилно, а што не.
Последиците од насилството по децата се долгорочни – несреќни и несигурни деца не учат добро. Во некои случаи, деца што доживувале насилство го прифаќаат како вообичаен начин на комуникација и понекогаш одговараат со насилство. Заплашување, понижување, изолација и агресија – физичка или психолошка – само создава повеќе насилство.
Кога насилството ќе го разберете на овој начин, треба да се запрашате – дали ние сме општество што го прифаќа насилството како нормален начин на интеракција? Не е ли време сите ние да направиме промена?
