На децата со проблеми во однесувањето им треба "помош", не "казна".

Методите за превенција се делотворни начини за намалување на насилството врз и помеѓу децата, и со нив се создава позитивно однесување за учење. Но, превенцијата сама по себе не може целосно да го отстрани насилното однесување кај сите деца.

За некои деца ќе биде потребна поинтензивна поддршка за да ги намалат нивните високоризични однесувања. Клучот е во тоа да запомниме дека "казнувањето не е одговор". На децата им треба "помош" за да се справат со нивните потешкотии и да ги исправат неправилните постапки.

Во некои случаи може да се укаже потреба за помош од стручни лица.

Еве некои совети што се надеваме дека ќе ви помогнат:

• Кога вашето дете е вмешано во инцидент, секогаш сериозно сфатете ја ситуацијата и вложете напори целосно да ги разберете двете страни на приказната.
• Уверете се дека вашите деца ја разбираат повредата или штетата што ја нанеле како резултат на нивното однесување.
• Помогнете им на вашите деца да предложат решение за исправање или надоместување на штетата или болката и страдањето што го предизвикале. И помогнете им да исправат што згрешиле.
• Честопати децата со сериозни проблеми во однесувањето подоцна во животот може да западнат во сериозни неволји. Како родители, треба да им помогнете да останат на вистинскиот пат. Во некои случаи може да се укаже потреба за поддршка од стручни лица.
• Контактирајте го вашиот локален Центар за социјална работа и побарајте помош. Ако вашето дете е жртва на насилство, можете да се обратите до Центарот за советување на родители и деца, ОУ "Коле Неделковски", ул. Антоние Грубишиќ 8, Скопје, тел. (02) 321 4338. Други корисни линкови и контакт информации може да најдете во Служби за помош во заедницата.